သရက်ပင် အပင်ဟုန် အပင်နုံ၍ အသီးမတင်ခြင်း

တချို့ သရက်ပင်များသည် ပန်းပွင့်အသီးတင်နိုင်သော အပင်သက်တမ်းသို့ ရောက်ရှိနေပြီဖြစ်သော်လည်း အပင်ဟုန်ပြီး အသီးမတင်ရခြင်းနှင့် အပင်နုံပြီး အသီးမတင်ရခြင်း ပြသနာတို့ကို ကြုံတွေ့ရတတ်ပါသည်။ ဟုန်နေသော အပင်တို့သည် စိုက်ပြီးသည်မှစ၍ နှစ်အတော်ကြာတိုင်အောင် အပင်သန်စွမ်းဖြစ်ထွန်းပြီး အရွက်များကိုသာ ထုတ်ပေးတတ်သည်။ ယင်းသို့ဖြစ်ရခြင်းမှာ အပင်ကိုင်းခတ်များ၏ တစ်သျှူးများထဲတွင် သိုလှောင်ထားသော နိုက်ထရိုဂျင်ပမာဏ အလွန်မြင့်မားနေပြီး ကာဗိုဟိုက်ဒြိုက် ပမာဏ အလွန်လျော့ကျ နည်းနေသောကြောင့် ဖြစ်တတ်သည်။ နုံနေသော အပင်များသည်လည်း ပင်ပိုင်းဆိုင်ရာ ကြီးထွားမှု နည်းနေပြီး ပန်းမပွင့်အသီးမတင် ဖြစ်တတ်သည်။ အပင်နုံနေရခြင်း၏ အဓိကအကြောင်းအရင်းများမှာ အပင်တွင်း နိုက်ထရိုဂျင်ပမာဏ လျော့နည်းနေသောကြောင့် ဖြစ်လေ့ဖြစ်ထရှိပါသည်။

ယေဘုယျအားဖြင့် အပင်ဟုန်အသီးမတင်ခြင်း လက္ခဏာများကို မြေဆီဩဇာထက်သန်သော မြေများရှိ အပင်များ၊ အရိပ်ကျ လောင်းရိပ်မိသောအပင်များ၊ ရေပေးသွင်းမှုများသော အပင်များနှင့် နိုက်ထရိုဂျင်ဓာတ်ပါသော မြေဩဇာများ အလွန်ကျွံရသည့် အပင်များတွင် တွေ့ရတတ်သည်။ ထိုသို့ အပင်ဟုန်နေသော သရက်ပင်များအား အပင်၏ ကိုင်းအခတ်အလက်အရွက်များအား နေရောင်ခြည် အပြည့်အဝ ထိတွေ့စေခြင်း၊ ပူပြင်းသော ရာသီများတွင် အပင်ရေပေးသွင်းမှုအားထိန်းထားပေးခြင်းနှင့် နိုက်ထရိုဂျင်ဓာတ်ပါသော မြေဩဇာ၊ မြေဆွေးတို့ ထည့်သွင်းမှုအားရပ်ဆိုင်းပေးခြင်းတို့ကို ဆောင်ရွက်ခြင်းဖြင့် အသီးတင်လာအောင် ဆောင်ရွက်နိုင်သည်။ ထို့အပြင်အပင်အား အိမ်သုံးဆား ကျွေးပေးခြင်း/ပုံပေးခြင်းသည်လည်း ဟုန်နေသော သရက်ပင်များအား အသီးတင်လာအောင် ကူညီပေးနိုင်သည်။ အပင်အား ဆားကျွေးခြင်းကို မိုးရာသီတွင် ဆောင်ရွက်သင့်သည်။ အပင်သက်၁၀ နှစ်အောက်ရှိ သရက်ပင်များအား တစ်ပင်လျှင် ၂ ကီလိုဂရမ်နှုန်း၊ အပင်သက်  ၁၀ နှစ် နှင့် ၂၀ နှစ်ကြားရှိ သရက်ပင်များအား တစ်ပင်လျှင် ၅ ကီလိုဂရမ်နှုန်းနှင့် အပင်သက် ၂၀ နှစ်အထက်ရှိ သရက်ပင်များအား တစ်ပင်လျှင် ၁၁ ကီလိုဂရမ်နှုန်းဖြင့် ကျွေးရပါမည်။ ဟုန်နေသော အပင်များအား ဆားကျွေးရခြင်း၏ အခြေခံယူဆချက်မှာ ဆားသည်အပင်အား နောက်ထပ်ပင်ပိုင်းဆိုင်ရာ အရွက်များထွက်ခြင်းကို တားဆီးပေးခြင်းဖြစ်ပြီး ယခင်ထွက်ခဲ့သောပင်ပိုင်းဆိုင်ရာ အရွက်များသည် အနားယူကာ ပန်းပွင့်အဖူးများ ဖြစ်ပေါ်ရန်အတွက် ကာဘိုဟိုက်ဒြိုက်ပို၍ စုလာစေရန်ဖြစ်သည်။

ဟုန်နေသော သရက်ပင်များအား ပန်းပွင့်အသီးတင်လာအောင် ဆောင်ရွက်နိုင်သော နောက်နည်းစနစ်တစ်ခုမှာ ၁၅-၂၃ စင်တီမီတာအတုတ်ရှိ ကိုင်းများအား အခေါက်ရစ်၊ အခေါက်ခွာပေးခြင်း ဖြစ်သည်။ အခေါက်ရစ်၊ အခေါက်ခွာပေးခြင်းကို၂ စင်တီမီတာအကျယ် ရစ်၍ ကိုင်းပတ်ပတ်လည် ခွာပေးခြင်းဖြစ်သည်။ အပင်အား ဤကဲ့သို့ အခေါက်ခွာပေးခြင်းဖြင့် ၎င်းအခေါက်ခွာ၊ အခေါက်ရစ်ထားသော နေရာ၏ အထက်ပိုင်း ကိုင်းခက်များတွင် ကာဗိုဟိုက်ဒြိုက်ဓာတ် ပမာဏများများ စုစည်းလာစေပြီး ကာဗိုဟိုက်ဒြိုက်ဓာတ်နှင့် နိုက်ထရိုဂျင်ဓာတ်တို့ အချိုးညီမျှစေကာ ပန်းပွင့်များလှုံ့ဆော်ဖြစ်ပေါ်ရန် ပို၍ အခြေအနေပေးလာပါသည်။

အခေါက်ခွာ၊ အခေါက်ရစ်ပေးခြင်းကို အပင်၏ တစ်သျှူးများထဲတွင် ပန်းပွင့်အဖူးများအဖြစ် မပြောင်းလဲခင် အချိန်အတွင်း ပြုလုပ်ပေးသင့်သည်။ သို့သော် အခေါက်ခွာ၊ အခေါက်ရစ်ခြင်းကို ၂ စင်တီမီတာထက် ပို၍ ကျယ်ကျယ် မခွာသင့်ပေ။ သာမန်အားဖြင့် ၎င်းအခေါက်ခွာထားသော နေရာသည် ပန်းပွင့်များအားလုံး ပွင့်ပြီးနောက် အနာဖေး ပြန်တက်သွားလေ့ ရှိပါသည်။

အပင်အား ဆားကျွေးပေးခြင်းနှင့် အခေါက်ခွာ၊ အခေါက်ရစ်ပေးခြင်းတို့ကို မိုးအလွန်များသော ဒေသရှိ အပင်ဟုန်များတွင်သာ ပြုလုပ်ကျင့်သုံး သင့်ပါသည်။ မိုးရေချိန်နည်းသော အပူပိုင်းဒေသများတွင်မူ အပင်ဟုန်ခြင်း ဖြစ်မှုတွေ့ရခဲသောကြောင့် အပင်အားဆားကျွေးပေးခြင်းနှင့် အခေါက်ခွာ၊ အခေါက်ရစ်ပေးခြင်းတို့ ဆောင်ရွက်ရန် မလိုအပ်ပေ။

ပင်ပိုင်းဆိုင်ရာ အားနည်း၍ ပန်းမပွင့် အသီးမတင်နိုင်သော အပင်နုံများတွင်မု ဆားကျွေးပေးခြင်းနှင့် အခေါက်ခွာ၊ အခေါက်ရစ်ပေးခြင်းတို့ကို လုံးဝမဆောင်ရွက်သင့်ပေ။ အရွက်များဝါ၍ ကြီးထွားမှုနည်းနေသော အပင်နုံများအား မိုးဦးကာလတွင် အပင်ကြီးထွားမှု ကောင်းစေရန် နိုက်ထရိုဂျင်ဓာတ်ပါသော မြေဩဇာများကို ကျွေးပေးသင့်ပါသည်။ သို့မှသာ အပင်တွင်း နိုက်ထရိုဂျင်ဓာတ် ပမာဏမြင့်တက်လာပြီး နောက်ပိုင်းတွင်ပန်းပွင့်နိုင်သော အညွန့်အခက်များ ဝေဆာလာနိုင်မည် ဖြစ်ပါသည်။   ။


ဟန်ဖြိုးအောင် (ဥယျာဉ်ခြံ)